Is die spreekwoordelike skrif aan die muur m.b.t. die NG Kerk se standpunt oor evolusie?  In ‘n persverklaring wat gepubliseer is (27 Julie 2010) op die NG Kerk se blad, getiteld “Kerk en Wetenskap” en ook uitgestuur is na predikante, kom onder meer die volgende voor:

“Oor hoedat hierdie skepping egter tot stand gekom het, asook die komplekse aard van al die wetmatighede waarbinne hierdie proses van skepping plaasgevind het en nog steeds ontwikkel  en  funksioneer,  kan  ons  as  gelowiges  ons  net  verwonder,  veral  namate  die verskillende wetenskaplike dissiplines dit verder aan ons ontvou.” (eie aksente)

Een van die terme wat mens vandag toenemend in die wêreld hoor is “diversiteit.”  Die konsep van “diversiteit” vorm deel van postmoderne denke, waarin grense vervaag tussen rasse, kulture en belangegroepe (bv. kerkgroepe of geloofsgroepe).  Die klem is op groter verdraagsaamheid aan die een kant, maar ook groter integrasie aan die ander kant.  Een van die kernbegrippe in hierdie verband is “inklusiwiteit.”  Onderliggend aan die neiging onder postmoderne drukgroepe se sg. “viering van diversiteit” vervaag die grense ook tussen reg en verkeerd, tussen waar en onwaar, tussen wat sonde is en wat nie.

Ek het vanoggend die eerste helfte van die teologiese dag van die Universiteit van Stellenbosch se Teologiese Fakulteit bygewoon.  Die tema van die dag was “Die opstanding en die lewe.”  Die twee sprekers wat die eerste helfte van die program behartig het, is Prof. Elna Mouton en Prof. Dirkie Smit.  Vanuit die lesings asook die besprekings daarna, is die indruk wat by my gelaat is, dat daar redelike klem gelê is op die opstanding, maar nie so veel op die lewe nie.

Wat het geword van die gesag van die bybel?  Ons hoor vandag al meer in die liberale teologie (wat al meer in die kerk insluip) hoedat die bybel se gesag in gedrang kom.  In die liberale toelogie word die bybel gesien as 'n voorwetenskaplike, uitsluitlik menslike boek, en dit word al meer gestroop van sy transendente, goddelike karakter.  Die bybelse gesag word al meer gerelativeer aan die hand van menslike voorveronderstellings.  Dr Callie Joubert (PHD, D Phil) neem hierdie uiters belangrike saak onder die loep, en praat oor kennis, geloof en wetenskap:

Oor Kennis en Geloof - Waarom word Christene geïntimideer met die wetenskap? - Callie Joubert

Die term “vyfvoudige bediening” (five fold ministry) is ‘n term wat veral gehoor word by charismatiese kerke, en veral mega-bedienings.  Dit hang saam met ‘n bedieningsmodel waarin die leiers maksimale beheer uitoefen oor mense se persoonlike lewens en besluite.  Hiermee saam hang die lering dat mens geestelike “covering” moet hê in die vorm van onderdanigheid aan die leierskap van die kerk.  Hierdie artikel moet ook in samehang met die artikel “Wat is Kerk? ” verstaan word.