Hierdie artikel is kommentaar op die sesde van ‘n reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=89&page=default

Retief wy die grootste deel van hierdie artikel daaraan om in die bres te tree vir die valse tekenininge van embrios waarvoor Haeckel bekend is. Van al Retief se artikels tot dusver het hierdie artikel die sterkste apologetiese trant van almal.

2 Kor 4:2-4 "Maar ons het van die heimlike dinge wat skandelik is, afstand gedoen, en ons wandel nie in listigheid of vervals die woord van God nie; maar deur die waarheid aan die lig te bring, beveel ons ons by elke menslike gewete voor God aan. (3) Maar as ons evangelie dan nog bedek is, is dit bedek in die wat verlore gaan, (4) naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie."

Die woord wat met "vervals" vertaal word, is "dolo-ô." Volgens Strongs beteken dit om "te vang" (ensnare). Thayer heg ook die konnotasie van "vervals / korrupteer" daaraan.

Hierdie artikel is kommentaar op die vyfde van ‘n reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=85&page=default

Die derde deel van Retief se praatjie oor die sg. "fossiele in ons liggame" word verder gevoer op die vlak van sg. "pseudogene" wat in die menslike genoom voorkom. Hy praat hoofsaaklik oor die geen wat kodeer vir "gulonolaktoon oksidase" (GLO of GULO). Dit het te doen met die onvermoë by mense om Vitamine C (askorbiensuur) te produseer, wat wel by diere soos honde teenwoordig is.

Hierdie artikel is kommentaar op die vierde van ‘n reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=81&page=default

Retief sit sy praatjie oor die sg. "fossiele in ons liggame" voort met verwysing na genome onder spesies. Hy probeer ‘n argument daarvoor uitmaak dat bepaalde spesies evolusionêr aan ander spesies verwant is deur die funksies van gene tussen spesies met mekaar te vergelyk. Deur middel van voorbeelde in die diereryk en visse, probeer hy aantoon dat daar reukgene is by mense wat nie gebruik word nie, maar wat ‘n oorblyfsel is van ons sg. evolusionêre verlede.

Hierdie artikel is kommentaar op die derde van ‘n reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=78&page=default

Retief praat in hierdie artikel veral oor 1) die verksynsel by die menslike liggaam en ander diere dat die senuwee tussen die vagus en stembande ‘n lus maak rondom die aorta en dus nie die korste moontlike pad volg nie, asook 2) die spermatiese koord wat ‘n lus maak rondom die ureter.

Hierdie artikel is kommentaar op die tweede van ‘n reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=76&page=default

Retief praat in hierdie artikel oor menslike bewussyn en bring dit in verband met kwantumfisika. Kwantumfisika, wat op sigself 'n spekulatiewe teorie is word aangewend om bepaalde aspekte van verskynsels te probeer verklaar.

Hierdie artikel is kommentaar op die eerste van ‘n beoogde reeks artikels van Leon Retief op Kletskerk.

Skakel: http://www.kletskerk.co.za/articles.php?article_id=74&page=default

Hy begin sy artikel deur onder andere te verwys na wat ‘n teorie is. Hy sê: "dit is ‘n gedagtekonstruk wat op ‘n intern samehangende wyse ‘n aantal feite op ‘n verklarende wyse saambind en in die proses ook sekere voorspellings maak." Dit hang natuurlik af met watter definisie van "teorie" mens werk. Daar is verskil van mening onder wetenskaplikes oor wat alles as ‘n teorie beskou kan word, afhangend van die konteks waarin dit gebruik word en die metodologie wat toegepas word.

Meeste Christene vadag moes al êrens langs die pad te doen gehad het met ander Christene wat "vriende van Israel" is. Gewoonlik word daar klem gelê op die "Joodse wortels" van die Christelike geloof. Deel hiervan is dat mense glo dat vandag se Jode steeds as "God se volk," "God se mense" of "God se kinders" beskou moet word. Afhangende van die graad van betrokkenheid by die Jode, hou baie Christene loofhuttefeeste of "Shabbatte" met ander Joods-Christelikes of selfs met ortodokse Jode, of sommige Christene onderhou gewoon Joodse gebruike en wette. In meeste gevalle hang dit ook saam met 'n eindtydverwagting dat Christus die Christene gaan wegraap en dat Hy daarna as die Jode se Messias sal optree en regeer vanaf Jerusalem. Dan word geglo sal al die Jode 'n tweede kans kry om Christus as Verlosser aan te neem. Iets wat ook baie sterk deel is hiervan is die beywering vir die terugkeer van die Jode na die fisiese land Israel. Die jaar 1948, toe Israel onafhanklik geword het, word ook as 'n baie belangrike datum verstaan, en gesien as 'n ingryping van bo.

Die "sewe wette van Noag," wat in Engels bekend staan as die "seven laws of Noah" of die "seven Noahide laws" vind sy oorsprong in die Joodse Talmud. Dit is veral die Chabad-Lubavitch beweging wat hulle beywer vir die aanvaarding van hierdie 7 wette wêreldwyd.