Latest Articles & News

Popular Articles & News

Hoe werk wedergeboorte?
Truthexposed Forum
August 07, 2020, 04:37:18 am *
Welcome, Guest. Please login or register.

Login with username, password and session length
News:
 
   Home   Help Search Login Register  
Pages: [1] 2 3
  Print  
Author Topic: Hoe werk wedergeboorte?  (Read 204468 times)
Philip dT
Administrator
Veteran
*****
Posts: 381



View Profile
« on: March 03, 2008, 04:32:52 am »

Hoe werk wedergeboorte?  Is wedergeboorte essensiëel vir redding?  Wanneer vind dit plaas en wat presies gebeur by wedergeboorte?  Is wedergeboorte dieselfde as bekering?  Is dit 'n eenmalige gebeurtenis of is dit 'n proses?  Dit is van die vrae wat dikwels oor hierdie onderwerp gevra word.  In hierdie bespreking gaan na hierdie vrae gekyk word en beantwoord word aan die hand van dit wat die Bybel daaroor sê.

Lees die volledige artikel: "Hoe werk wedergeboorte?" deur Philip du Toit hier:

http://www.truthexposed.co.za/index.php?option=com_content&task=view&id=103&Itemid=15
Logged
andreas
Member
**
Posts: 99


To Him be the glory and the might forever and ever


View Profile Email
« Reply #1 on: February 06, 2009, 04:02:03 pm »

Phillip,

Ek wil met jou verskil oor wedergeboorte.

Hier is my opinie.

Ek voel dat daar wel 'n proses is aangenaande Wedergeboorte. Alhoewel God dit volmaak in ons, verg dit wel 'n proses van ons kant af.
Ek verstaan wedergeboorte as 'n proses waardeur ek moet gaan sodat God my kan vrymaak en kan rekry vir my nuwe lewe in Christus.
Die ou mens moet sterf en agterbly en die nuwe mens wat saam met Christus uit die dood opgestaan het, gaan die lewe vorentoe verder vat.

Ek glo die proses behels die volgende:

Bekering: Ek moet nie net jammer wees oor my sonde nie, nee ek moet besef dat selfs my beste nie goe dgenoeg is voor God nie. Ware bekering verg diepe innerlike soeke na al jou sondes. Ek glo jy moet God vra om jou bewus te maak van al jou foute ne sondes sodat jy dit kan belei en kan weet wat by jou fout is,
Ons belei ons sonde teenoor die Vader in Jesus se naam. Ons moet smeek en opregte berou he. God ken ons denke en harte en as ons nie eerlike is nie kan ons nie opreg berou he nie.. ek glo ons moet ons sonde en foute harop belei voor God en mede gelowiges.

Geloof in Jesus Christus
Dit is nie net 'n besluit nie. Nee dit verg ook dade. Ek moet met my mond getuig dat ek in Jesus Christus glo.
My dade moet daarvan getuig. Hoe kan ek glo maar niemand kan dit sien nie.

Doop
Soos jy tereg wys. Ons moet uit water en uit Gees gebore word.
Die doop is nie net 'n simbool nie. Nee dit dui op daarop dat ons skoon gewas word in die geestelike, maar dit dui ook op 'n begrafnis. Die ou jy word begrawe en die nuwe persoon staan saam uit die water uit op.
In Handelinge wys dit pragtig hoe Paulus die doop in Jesus Christus gegee het vir die wat gedoop was met die doop van Johannes (doop van bekering)

Ontvangs van die Heilige Gees...
Telkens na die dissipels mense gedoop het, het hulle hande opgele en vir die mense gebid....
Die enigste ander plek waar dit nie ind ie volg orde gebeur het nie was met Cornelius, maar dit was om aan Petrus te wys dat nie Jode ook deel het aan God se evangelie.
En elke keer as hande opgele was na die doop het die mense die Heilige Gees ontvang.

Hoe kan ons die bybel lees maar dit nie verstaan nie. Jesus was leke dag saam met sy dissipels en ek glo Hy het hulle dit geleer.







 
Logged
Philip dT
Administrator
Veteran
*****
Posts: 381



View Profile
« Reply #2 on: February 06, 2009, 05:28:30 pm »

Hallo Andreas.  Ek dink nie ons verskil hemelsbreed hieroor nie.  Ek stem saam dat al die elemente wat jy noem teenwoordig moet wees by 'n gelowige, en dat wedergeboorte en bekering nie beteken dat ek net 'n vinnige gebedjie opsê en nou is ek "gefix" vir die res van my lewe nie.

Ek wil egter 'n onderskeid tref tussen wedergeboorte en bekering/gehoorsaamheid.  Natuurlik is hierdie elemente nie los van mekaar nie, maar wedergeboorte verstaan ek as God se werk, tewyl bekering, gehoorsaamheid ens.  saamhang met menslike handeling.  Anders gesê: die indikatief en die imperatief.

Soos ek dit verstaan: as God iemand wederbaar, is dit 'n volkome werk.  Mens is nie halfpad wedergebore as God die ou mens uithaal en 'n nuwe mens skep nie.  As mens as't ware moet vorder in jou wedergeboorte, of as jou wedergeboorte deels afhanklik is van jou eie prestasie, gaan niemand dit maak nie.  Die realiteit van wedergeboorte is volkome en volmaak.  Anders sou iemand 'n dag net nadat hy Christus in geloof aangeneem het net 10% wedergebore wees (argumentshalwe).   Soos ek dit verstaan is wedergeboorte of aan of af, daar is nie 'n tussenposisie of 'n glyskaal nie.  Jy is of gebore uit onverganklike saad of nie ( 1 Pet 1:23). 

Die vernuwing van denke en die lewenswandel om vanuit hierdie waarheid te lewe, en om die volkome werk van God in jou te laat deel word van jou totale menswees is wel 'n proses, waarin God deur sy Gees jou ook bystaan.  Maar dit verstaan ek nie as wedergeboorte nie, maar as vernuwing van denke en bekering (wat einlik ook net 'n ander woord daarvoor is - metanoia - omkeer van denke).  Jou stand in Christus is volkome bewerk, jou posisie van geregtigheid wat saamhang met jou wedergeboorte is volmaak op grond van die soenverdienste van Christus.  Maar dit beteken nie mens kan nie jou wedergeboorte verloor nie.  Heb 6:1-4 wys dat dit wel 'n reële moontlikheid is.  As iemand dus nie volhard in die geloof nie, of as hy later na wedergeboorte sy rug op God draai, kan hy wel totaal afvallig raak en sy redding verloor.  Heb 6 suggereer dat dit dan egter te laat is en dat so iemand nie weer tot bekering vernuwe kan word nie.

Vir my lê die gevaar daarvan om wedergeboorte as 'n proses te sien, onder andere daarin dat ons redding nie meer God se genade is nie, maar gekoppel is aan menslike verdienste.

groete
Philip
Logged
andreas
Member
**
Posts: 99


To Him be the glory and the might forever and ever


View Profile Email
« Reply #3 on: February 06, 2009, 05:45:55 pm »

Hi Phillip,

Ek stem 100% saam dat Jesus se genade nie uit menslike verdienste kom nie. Dit kom totaal van Hom en alleen van Hom af.
Ek glo dat ons as mens tog 'n verantwoordelikeheid het om seker te maak dat ons wel die stappe tot wedergeboorte moet volg. Dit sal vir jou op jou pad na heilgmaking net soveel beter wees.

Ek vra graag aan jou die volgende:
Waarvan wil ons gered word?

As ons teiken slegs is om die ewige dood vry te spring het ons die punt mis.
Ons wil gered word van ons sonde en sodoende 'n pad stap na heilig making. Om soos Jesus eendag vlekkeloos te wees. Volmaak te wees.
Beslis is dit iets wat nie deur die mens self gedoen kan word nie, nee dit kom deur volharding en dan deur God se genade.
So dit wys my duidelik dat om agteroor te sit en net te wag om alles in my skoot te ontvang is nie hoe Jesus van ons verwag nie. Hy wil he ons moet elke dag opnuut ons geloof belei en opnuut glo in Hom en opnuut onsself bewus maak van ons eie sonde. Dit elke dag opnuut te belei.
Ons weet ons beste is pateties Paulus beskryf dit baie mooi....

So die nuutamking in Christus is die werk van God, maar daar is tog 'n letterlike proses wat gevolg moet word.... Anders tel ons eie wil mos nie. Dan kan God mos almal red sonder om ons 'n keuse te bied....

 
Logged
Philip dT
Administrator
Veteran
*****
Posts: 381



View Profile
« Reply #4 on: February 06, 2009, 06:23:54 pm »

Ek dink ons basiese gevoel hieroor is baie na aan mekaar, maar die kategorieë wat ons gebruik om dit uit te druk verskil.  Jy is in elk geval meer as welkom om van my oor enige iets te verskil.  Die bedoeling van hierdie forum is juis dat ons kan sê hoe ons dinge verstaan en ons by mekaar kan leer.

Peroonlik sou ek nie verkies om te praat van "heiligmaking" waaronder mens verstaan dat jy moet vorder in jou heiligheid voor God nie.  Ek sou ook nie verkies om te praat van "stappe van wedergeboorte (wat ons moet volg nie)" maar eerder stappe van vernuwing van denke of bekering.

Soos ek die Skrif verstaan is ons reeds geheilig:

bv.

1 Kor 6:11 "En dit was sommige van julle; maar julle het jul laat afwas, maar julle is geheilig, maar julle is geregverdig in die Naam van die Here Jesus en deur die Gees van onse God" 
of
1 Pet 1:2 "uitverkore volgens die voorkennis van God die Vader, in die heiligmaking van die Gees, tot gehoorsaamheid en besprenkeling met die bloed van Jesus Christus: Mag genade en vrede vir julle vermenigvuldig word!"

Paulus praat ook gereeld van die "heiliges"  (bv. Kol 1:4) en "geheiligdes" (bv. 1 Kor 1:12).

Die woord wat die Ou Vertaling vertaal met "heiligmaking" (sien ook bv. Heb 12:14) is dieselfde Griekse woord vir "heiliging."  Die Engelse vertalings vertaal dit gewoon met "holiness."  In bv. 2 Tess 2:13 (en ook 1 Pet 1:2 hierbo aangehaal) word bv. ook die woord "heiligmaking" vertaal (1933 vertaling) maar dit kan in die konteks nie dui op 'n proses van heiligmaking nie.  Heiliging verstaan ek as deel van wat God in Christus doen deur wedergeboorte.  Hy maak ons volkome heilig.  Dit hang saam met 'n posisie van volkome geregtigheid in Christus.

Die nuwe skepping vind plaas in die dimensie van ons gees.  God wederbaar ons gees volkome.  Ons gees wat ons identiteit in Christus bepaal, is volkome heilig gemaak deur wedergeboorte, anders kan God nie met ons gemeenskap hê nie.  God kan nie gemeenskap hê met die duisternis nie (1 Joh 1).  Maar ons het wel nog 'n siel (denke, wil, emosie) en 'n liggaam, wat nog verbonde is aan hierdie wêreld, wat ons elke dag ondergeskik moet stel  aan die leiding van die gees/Gees in ons.  En dit is 'n proses.  Ons moet ons elke dag "dood reken" vir die sonde (Rom 6:11), nie omdat dit 'n goeie beginsel van "positive thinking" is nie, maar omdat ons inderdaad in Christus die sonde en die ou mens volkome in Christus afgesterf het (Rom 6:2).
Logged
Gerhard Ebersöhn
Member
**
Posts: 71


View Profile Email
« Reply #5 on: February 19, 2009, 07:23:48 pm »

Philip, ek het nie na jou artikel gekyk nie; ek's te haastig om Andreas te antwoord.  Hier, Philip, het jy nou 'n braailat ingeryg waarvoor ek gevra en gewag het --- daardie Romaeine 7 versoek van my.  Sal later na jou artikel gaan kyk.  Andreas reageer op iets van jou (sou nie kon se of dit jou artiukel was nie.)
Seg hy:
Philip,  Ek wil met jou verskil oor wedergeboorte.
Hier is my opinie.
Ek voel dat daar wel 'n proses is aangenaande Wedergeboorte. Alhoewel God dit volmaak in ons, verg dit wel 'n proses van ons kant af.
Ek verstaan wedergeboorte as 'n proses waardeur ek moet gaan sodat God my kan vrymaak en kan rekry vir my nuwe lewe in Christus.
Die ou mens moet sterf en agterbly en die nuwe mens wat saam met Christus uit die dood opgestaan het, gaan die lewe vorentoe verder vat."

GE:
Maar sien jy nie Andreas, hoe jy jouself heeltemal in jou eie verklarings verstrik nie?

Eers se jy: ".... daar (is) 'n proses aangenaande Wedergeboorte. Alhoewel God dit volmaak in ons, verg dit wel 'n proses van ons kant af.
Ek verstaan wedergeboorte as 'n proses waardeur ek moet gaan sodat God my kan vrymaak en kan regkry vir my nuwe lewe in Christus."
Maar dan verklaar jy,
"Die ou mens moet sterf en agterbly en die nuwe mens wat saam met Christus uit die dood opgestaan het, gaan die lewe vorentoe verder vat."

Hier's iets drasties teenstrydig vir my!
Logged
Gerhard Ebersöhn
Member
**
Posts: 71


View Profile Email
« Reply #6 on: February 19, 2009, 07:54:01 pm »

So min as wat die mens die reg, dit is, die mag of krag het om homself tot lewe op te wek, so min het die mens die reg, of mag of krag, om homself tot die dood neer te daal. Dit is die twee gebiede waarop God alleen Heerskappy voer. "Hy wat die sleutels van die dood en van die lewe hou" (omtrent in Openbaring erens). Daarom:

Nee!, "Die ou mens moet sterf en agterbly en die nuwe mens wat saam met Christus uit die dood opgestaan het, gaan die lewe vorentoe verder vat.";
Ja, "Die ou mens moet gedood word, en agtergelaat word; en die nuwe mens wat IN CHRISTUS saam met Christus uit die dood opgestaan het, gaan die lewe vorentoe verder vat in daardie selfde ou gedode maar wedergebore mens;
Daar is geen 'proses aangenaande Wedergeboorte' nie. Dis 'n geboorte, maar 'n wedergeboorte, van begin tot einde, die werk van God, op, kan mens maar se, of met, Ou Mens GE of Ou Mens Andreas; of Ou Mens Philip. (Soort van 'n simbiose; alhoewel hierdie nuwe mens op die ou mens groei, groei hy nie daarop nie; lewe hy nie van die ou mens nie, maar uit God, heeltemal, heeltyd en uitsluitlik.  Dit is 'die lewe verder vorentoe gevat'. 
Nou, aangesien dit - hierdie nuwe mens - in God in Christus verborge, nooit anders as klaar volmaak is "in Hom" nie, is - nee, word, dit nooit in ons, volmaak nie. Daarom verg dit wel 'n proses van ons kant in onsself; daardie nuwe begeerte; daardie vreemde dryf; daardie ongekende en onkenbare hunkering na God: Wat gans en al ook eensydig van God se kant af gegee word. (Niks minder as die Regverdiging of Sondevergifenis nie.) Dit is wat die ou Gereformeerdes die volharding in die geloof genoem het --- NOG 'n vrye, ongevraagde, gawe van God en genade.. (Nie, 'heiligmaking' nie.)

Daarom, verstaan ek wedergeboorte as die "werk van God" in en deur Christus Jesus deur die werking van die Gees van Christus, "in my", sondaar "ou mens", waardeur ek moet gaan EN God, my bevry en God regkry wat ek in ewigheid nooit self kan regkry nie,--- "vir my nuwe lewe in Christus".
"MAAR GOD" is die sleutelwoord van reddende genade. Ds, Reinecke, lank gelede in die NG Kerkgebou waarin ek nog getroud was, en die koster van ons huwelik voorspel het: Moeilikheid, moeilikheid! (Wys jou wat van menslike profesie kom.)
« Last Edit: February 19, 2009, 08:09:29 pm by Gerhard Ebersöhn » Logged
andreas
Member
**
Posts: 99


To Him be the glory and the might forever and ever


View Profile Email
« Reply #7 on: February 19, 2009, 08:12:34 pm »

Oom,
Jy praat my dronk.
Probeer by een pos op 'n slag hou en as jy my wil aanhaal gebruik die regte "tools"
Sodat ek kan volg wat jy probeer verduidelik. Jy wil soveel goeters aanhaal en mense antwoord dat jy dit deurmekaar doen. Ek voel soos 'n verkleurmannetjie op 'n smartie boksie


Logged
Gerhard Ebersöhn
Member
**
Posts: 71


View Profile Email
« Reply #8 on: February 19, 2009, 08:23:48 pm »

Dit is dan vir my 'n groot vreugde om verder te kan vertel --- aangesien dit vir myself maar 'n onlangse duideliker perspektief geword het --- dat heiligmaking, soos Sondevergifnis en die Regverdiging, asook die Wedergeboorte (bewustelik of onbewustelik kom nie daarop aan nie) die onmiddellike en volledige Werk van God in en deur Jesus Christus is. Nes AL hierdie ander aspekte  van die Verlossing of Saligmaking, is heiligmaking 'forensies' (in teoloe-taal). Dis ook, en alleenlik, "in Christus" --- en u kan maar deur u konkordansies gaan met die woord 'heiligmaking' / 'sanctification'. Die Skrif, tref geen onderskeid wat die Goddelike werksmetode en werksverrigting aanbetref nie; nog minder tussen die statusse van iemand geregverdig deur sy sondes vergewe te ontvang het, en iemand deur sy sondes in Chrstus Jesus vergewe, geheilig te geword het nie.
Logged
Gerhard Ebersöhn
Member
**
Posts: 71


View Profile Email
« Reply #9 on: February 19, 2009, 08:31:00 pm »

Oom,
Jy praat my dronk.
Probeer by een pos op 'n slag hou en as jy my wil aanhaal gebruik die regte "tools"
Sodat ek kan volg wat jy probeer verduidelik. Jy wil soveel goeters aanhaal en mense antwoord dat jy dit deurmekaar doen. Ek voel soos 'n verkleurmannetjie op 'n smartie boksie


GE:
Jonkman, die trots van 'n jonkman is sy krag, se die Skrif. Die ouderdom bring geduld. Hou maar aan probeer 'volg'. Ek verstaan, dit het my omtrent my hele lewe gevat voordat ek opgehou het om te probeer om te verstaan, en maar net gestaan het en kon aanskou, die WONDER van God se GENADE!

Dat jy die geloof ontvang het, kan ek as mens sien. Jy't niks nou, meer nodig nie. Meer nodig, om GERED TE WEES nie.
Logged
Gerhard Ebersöhn
Member
**
Posts: 71


View Profile Email
« Reply #10 on: February 19, 2009, 08:35:08 pm »

Toemaar Andreas, ek't klaar gepraat .... vir nou.
Logged
andreas
Member
**
Posts: 99


To Him be the glory and the might forever and ever


View Profile Email
« Reply #11 on: February 19, 2009, 08:38:23 pm »

Ok dis reg Gerhard,


Ek sien jy het al baie vroeg vandag rond gespeel hier  Wink

So jy is al seker lekker pootuit
Logged
Philip dT
Administrator
Veteran
*****
Posts: 381



View Profile
« Reply #12 on: February 20, 2009, 09:25:23 pm »

Gerhard, jy skryf:

Quote
Ek voel dat daar wel 'n proses is aangenaande Wedergeboorte. Alhoewel God dit volmaak in ons, verg dit wel 'n proses van ons kant af.
Ek verstaan wedergeboorte as 'n proses waardeur ek moet gaan sodat God my kan vrymaak en kan rekry vir my nuwe lewe in Christus.
Die ou mens moet sterf en agterbly en die nuwe mens wat saam met Christus uit die dood opgestaan het, gaan die lewe vorentoe verder vat."

Wedergeboorte is 'n eenmalige, onmiddelike werk van God, waar God ons ou mens uithaal en 'n nuwe mens in ons skep: Joh 3:5; 2 Kor 5:17; 1 Pet 1:23.

Die vernuwing van denke en bekering (metanoia = omkeer van denke) is wel 'n proses om al meer te leef dienooreenkomstig ons nuwe identiteit in Christus.

Maar tydens wedergeboorte maak God ons totaal nuut en volkome heilig en plaas ons in 'n volmaakte verhouding van geregtigheid met Hom:

Kol 1:21-22 "Ook julle wat vroeër vervreemd was en vyandig gesind deur die bose werke, het Hy NOU versoen  (22)  in die liggaam van sy vlees deur die dood, om julle heilig en sonder gebrek en onberispelik voor Hom te stel"

Ons is dus reeds volkome heilig gemaak in Christus.  Dis 'n geskenk:

Rom 6:22 "Maar nou dat julle vrygemaak is van die sonde en diensbaar geword het aan God, het julle [reeds] jul vrug tot heiligmaking [heiliging] en uiteindelik die ewige lewe."

Dit is ook nie 'n proses om die ou mens af te sterf nie.  Ons het dit reeds in Christus afgesterf:

Rom 6:2 "Nee, stellig nie! Ons wat die sonde afgesterf het, hoe kan ons nog daarin lewe?"
Rom 6:6 "aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie."
Kol 3:3 "Want julle het gesterwe, en julle lewe is saam met Christus verborge in God."

Dit is wel 'n proses om ons dood te reken vir die sonde en ons denke voortdurend te laat vernuwe dienooreenkomstig God se nuwe skepping in ons (Rom 6:11; Rom 12:1-2).

Maar as wedergeboorte self 'n proses was, dan sou mens persentasie-wedergebore mense gekry het, bv. iemand is "half wedergebore."  Dit is nie hoe die Bybel daaroor praat nie.  Iemand is of wedergebore of nie.  Dit hang saam met jou kindskap - jou destinasie.  Dis aan of af.  Slegs [volkome] wedergebore mense kry deel aan die koninkryk (Joh 3:5) nie half-wedergebore mense nie.  Hoekom is dit so?

1) Omdat God se werk in jou nie half is nie.  Hy doen dit een maal, onmiddelik en volledig.
2) Omdat God nie gemeenskap kan hê met die duisternis nie (1 Joh 1:5-6), maak Hy hy ons gees volkome nuut [in volmaakte geregtigheid en heiligheid] tydens wedergeboorte.
« Last Edit: February 21, 2009, 04:40:36 pm by Philip dT » Logged
Marthinus
Newbie
*
Posts: 21


View Profile
« Reply #13 on: February 22, 2009, 11:37:16 pm »

Philip ek wil saam met jou stem en nog 'n eiertjie le gegrond op eie ervaring en waarnemings.

God doen niks half nie, beslis. Hy maak onmiddellik nuut, herstel onmiddellik, maar of dit werklik gebeur hang af van ons ingesteldheid. Kom ons neem as voorbeeld die mishandelde dogtertjie, wat dan omsit in die jagter en haar vroeere jagter tot prooi maak, 'n onwelvoeglike jong vrou word en dan tot bekering kom.(Praat van psigiese probleme?)

Ek het niks teen berading per se nie, maar het al ervaar dat somige, selfs pastorale beraders, dit baie soos bestraling of chemoterapie kan laat lyk - pynlik en uitgerek en dit dikwels in die middel rond misluk.

Myns insiens neem God die inisiatief en gee als eensklaps en die eenigste vraag is of ons dit kan of wil aanvaar. Dit gaan, vir my, oor die mate van ons oorgawe - die vernuwing van denke. As ek by my wedergeboorte bereid is om my troetel griewe, wraaksugtigheid, ens totaal en vir altyd neer te le en te glo ek is vry en vernuwe gaan my wedergeborenheid onmiddellik na binne en buite vrugte afwerp. Maar as ek aandring om te bly klou aan sekere geraamtes uit my verlede kan hulle my groei ernstig belemmer as hulle nie vir my totaal van stryk bring nie.

Dus as iemand sukkel om vernuwing te ervaar, glo ek dat die eerste stap om dit reg te stel moet wees om te bepaal wat daardie persoon versuim het om by die kruis agter te laat of weer gaan haal het en weer saam met hom/haar terug te gaan kruis toe en dan eers te kyk wat verder van ons kant af benodig word om die verlangde vernuwing te bereik, indien enigiets.
Logged
Philip dT
Administrator
Veteran
*****
Posts: 381



View Profile
« Reply #14 on: February 23, 2009, 02:28:17 am »

Dankie Marthinus.  Jy raak meer aan die praktiese kant van die saak. Soos ek dit verstaan maak die vernuwing in ons ná wedergeboorte ons nie meer heilig nie, maar vertoon die heerlikheid/heiligheid/geregtigheid wat God reeds tydens wedergeboorte in ons bewerk het, beter.  Die vernuwing is op die vlak van ons wil, denke, en emosie en die manier hoe ons dit na buite uitleef.
Logged
Pages: [1] 2 3
  Print  
 
Jump to:  

Powered by MySQL Powered by PHP Powered by SMF 1.1.17 | SMF © 2011, Simple Machines Valid XHTML 1.0! Valid CSS!
Joh 8:32 ...and the truth shall make you free.

Find 'n poskode / Find a postal code  |   Translate Afrikaans to English  |  Extreme Airports for FSX  | SA Scenery for FSX  |  SA News  |  Afrikaanse  Nuus  |  Guitar Chords  |  Free Piano Lessons!!  |  Free Guitar Lessons!!  |  Add Melody to Chords  |  Free Classified Ads!!  |  Free Property Listings!!  |  Free Fax to Email!!  |  Car buying online  |  Web Hosting R17 p/m  |  Jobs SA  |   Toets jou persoonlikheid

TRU Developing - Creative Web Development